banaya hai maine ye ghar dheere dheere
khule mere khwabon ke par dheere dheere

kisi ko giraya, na khud ko uchala
kata zindagi ka safar dheere dheere

jahan aap pahunchenge chalaange laga ke
wahan main bhi pahuncha magar dheere dheere

pahadon ki koi chunauti nahi thi
uthata gaya yo hi sar dheere dheere

gira main kahin to akele mein roya
gaya dard se ghav bhar dheere dheere

                                                                                             ........-ramdarash mishr....